【聖誕】The One超萌杯緣子……其實杯緣子是甚麼?

臨近聖誕，有無發現The ONE有D好奇怪的聖誕佈置？

它就是日本超人氣的杯緣子！其實港日杯緣子迷都唔少，甚至有粉絲專頁。

由於杯緣子太萌的關係，路人經過都忍唔住同佢影相，

其實大家知唔知道杯緣子是甚麼來的呢？

——————————————————————

「杯緣子フチ子 」唔係一個角色，

所有掛在杯邊的動作公仔都叫「杯緣子」。

卡通人物、偶像、動物，都可以做成杯緣子，當然以呢種杯緣子最紅啦!

The ONE展出的是療癒系玩具生產商奇譚Kitan Club人氣扭蛋玩具杯緣子。

除了OL造型外，也有比堅尼、和服，甚至有季節限定版呢!

動作都好「騎呢」，不經意動作、高難度動作都難唔到杯緣子的！

點解杯緣子會有療癒作用？因為可以掛在杯子上，感覺有人陪住自己咁。

加上而家流行「相機食先」，用左杯緣子整幅食照即時變萌！

聽完好想買嗎？其實City Super、扭蛋機、代購都有在賣的呢。

——————————————————————

講番The ONE的杯緣子展覽，感覺一啲都唔求其。

門前有五隻巨杯俾「杯緣子」掛杯，相信唔係粉絲都會覺得好萌！

男性當然鍾意杯緣子的誘惑姿態吧，而我作為女生就好鍾意她的無辜表情，

無論男女都會覺得被治癒呢！

至於中庭有個用無數杯緣子砌成的巨型聖誕蛋糕，

而「杯緣子」就變身成聖誕女郎，粉絲必到！

在L2長廊就以懷舊香港茶餐廳風情作背景，有杯緣子陪你食茶餐。

粉絲還可以到期間限定「杯緣子」小賣部購買杯緣子精品呢！

更多飲食、旅遊的博文，可加入我的專頁

霖迪

——————————————————————

「杯緣子奇幻聖誕派對」

日期：即日起至2016年1月3日

地址：尖沙咀彌敦道100號The One